ឆាលៀសគល់ស្លឹកគ្រៃ ~ កូនខ្មែរអភិរក្ស

សួរស្តីប្រិយមិត្ត នៅថ្ងៃនេះ កូនខ្មែរអភិរក្ស មានវិធីធ្វើ ឆាលៀសគល់ស្លឹកគ្រៃ យ៉ាងណាឲ្យមានរស់ជាតិឆ្ងាញ់ ដូច្នេះសូមអនុវត្តទាំងអស់គ្នាដូចខាងក្រោមៈ

+ គ្រឿងផ្សំ៖

- លៀស ១ចានគោម ដុសលាងឲ្យស្អាត - គល់ស្លឹកគ្រៃ ៣គល់ហាន់បញ្ឆិតរាងវែង

- ស្លឹកខ្ទឹម ២ដើមហាន់បញ្ឆិតៗ - អំបិល បន្តិច - ម្សៅស៊ុបមាន់ ១ស្លាបព្រាកាហ្វេ

- ស្ករស ១ស្លាបព្រាបាយ - ម្ទេសស្រស់ និងម្ទេសហុយ ដាក់តាមការចូលចិត្ត - ប្រេងឆា ២ស្លាបព្រាបាយ

+ វិធីធ្វើៈ

១.មុនដំបូងយកគ្រឿងផ្សំមកលាយចូលគ្នាដែលមានដូចជា អំបិល, ម្សៅស៊ុបមាន់, ស្ករស, និងម្ទេសឲ្យសព្វ។

២. បន្ទាប់មកយកលៀសដាក់ចូលប្រឡាក់ច្របល់ចូលគ្នារួចទុកដោយឡែកសិន។

៣. យកប្រេងឆាដាក់ចូលក្នុងខ្ទះទុកឲ្យក្តៅបន្តិចដាក់លៀសប្រឡាក់ចូលឆា២-៣ត្រឡប់។

៤.ដាក់គល់ស្លឹកគ្រៃចូលឆាវាឲ្យឆ្អិនដាក់ស្លឹកខ្ទឹមចូលចុងក្រោយឆាបន្តិចទៀតជាការស្រេច៕

កូនខ្មែរអភិរក្ស